काठमाडौंः उपत्यकाभित्र गैरकानुनी तवरले हुण्डीको कारोबार गरी राजश्व छली गर्ने कार्यमा संलग्न ७ जनालाई प्रहरीले पक्राउ गरेको छ ।

महानगरीय अपराध महाशाखाबाट खटिएको प्रहरीले काठमाडौं उपत्यकाको विभिन्न स्थानहरुबाट उनीहरुलाई पक्राउ गरिएको हो ।

पक्राउ पर्नेमा काठमाडौं महानगरपालिका-११ थापाथलिका २९ बर्षीय राहुल राय अग्रवाल, सिन्धुपाल्चोक बलेपी-८ घर भई हाल स्युचाटार काठमाडौं बस्ने ३१ बर्षीय राजकुमार श्रेष्ठ, भारत राजस्थान घर भई हाल क्षेत्रपाटी काठमाडौं बस्ने ५२ बर्षीय शिव कुमार साङतानी, भारत मुम्वई घर भई हाल क्षेत्रपाटी काठमाडौं बस्ने ४६ बर्षीय अरुण सावरथिया, भारत दिल्ली घर भई ज्ञानेश्व र काठमाडौं बस्ने ३८ वर्षीय रविन्द्र चोखानी र ४७ वर्षीय राज कुमार सिघान्ची तथा भारत राजस्थान घर भएका ५२ वर्षीय जगदिश राना सरिया रहेको प्रहरीले जनाएको छ ।


उनीहरुको साथबाट नगद ५१ लाख ४ हजार ५ सय रुपैयाँ, ३ करोड ५६ लाख ७३ हजार ५ सय सन्तानव्बे रुपैयाँको बैंक चेक, मोबाईल, ल्याप्टप तथा ह्वाट्एप तथा वि च्याटमा गरिएको हुण्डीको कारोबार बिवरण र हुण्डी कारोबार गरिएको लेजर तथा कागजातहरु बरामद गरेको छ ।

यस सम्बन्धमा प्रहरीले आवश्यक अनुसन्धान गरिरहेको पनि जनाएको छ ।