आज कतिमा कारोबार हुँदैछ सुनचाँदी ?

काठमाडौंः आज सुनको मूल्य स्थिर रहेको छ भने चाँदीको मूल्य घटेको छ । शुक्रबारको तुलनामा आइतबार चाँदी १५ रुपैयाँले घटेको हो ।

शुक्रबार ९७ हजार रुपैयाँमा कारोबार भएको छापावाला सुन आइतबार पनि सोही मूल्यमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै, तेजावी सुन प्रतितोला ९६ हजार ५ सयमै कारोबार भइरहेको छ ।

चाँदी पनि आज १५ रुपैयाँले घटेर प्रतितोला १ हजार ३१५ रुपैयाँमा कारोबार भइरहेको महासंघले जनाएको छ ।