इजिप्टका पूर्वप्रधानमन्त्री गान्जौरीको निधन

काठमाडौंः इजिप्टका पूर्वप्रधानमन्त्री कमल अल गान्जौरीको बुधबार निधन भएको छ ।

दुई पटक इजिप्टको प्रधानमन्त्री भएका गान्जौरीको ८८ वर्षको उमेरमा निधन भएको राज्यद्वारा सञ्चालित सञ्चारमाध्यमले जनाएको छ ।

लामो समयदेखि बिरामी भएर उपचार गराएका गान्जौरीको एयर फोर्स अस्पतालमा निधन भएको हो ।

गान्जौरीले सन् १९९६ देखि १९९९ सम्म तथा सन् २०११ मा दुई पटक प्रधानमन्त्री बनेका थिए ।

त्यसपछि सन् २०१३ मा उनलाई राष्ट्रपतिको आर्थिक मामिला सल्लाहकारमा नियुक्त गरिएको थियो ।

उनको निधनप्रति राष्ट्रपति अब्दुल फताह अल सिसिले गहिरो दुःख व्यक्त गरेका छन् ।