काठमाडौंः नवनियुक्त उपप्रधान एवं स्वास्थ्यमन्त्री उपेन्द्र यादवले पदभार ग्रहण गरेका छन् ।

सपथ ग्रहण गरे लगत्तै स्वास्थ्य मन्त्रालय पुगेरका उनले स्वास्थ सचिव डा पुष्पा चौधरीले दिएको फाइल सदर गरेका हुन्।

मन्त्री यादवले लोक सेवाबाट सिफारिस भएका ११ औं तहका ४ जना डाक्टरको नियुक्तीको फाइल मन्त्रीपरिषदमा पठाउने फाइल सदर गरेका हुन्।

मन्त्रीले सदर गरेको फाइलमा डा हरिहर वस्ती, अनिता जिसी, निशाज्योती श्रेष्ठ र रुपेश कुमार यादवको नाम छ।

११ औं तहमा नाम निकाल्न सफल उनीहरुको नियुक्तीको निर्णय मन्त्रीपरिषदबाट हुनुपर्छ। सोही अनुसार मन्त्री यादवले मन्त्रीपरिषद बैठकमा लैजाने उक्त फाइलमा आज हस्ताक्षर गरेका हुन्।


संघीय समाजवादी फोरमका अध्यक्ष यादवसँगै २ मन्त्रालय सहित आजै सरकारमा सामेल भएका हुन्।