एपीएफ टोलीद्वारा सेती नदिको खोचमा खसेका एक व्यक्तिको सकुशल उद्धार

कास्कीः पोखरा महानगरपालिका–१७ स्थित सेती नदिको खोचबाट एपीएफ टोलीले शनिबार एक जनाको सकुशल उद्धार गरेको छ ।

सुनसरीको धरान उपमहानगरपालिका घर भई हाल कास्कीको पोखरा महानगरपालिका–१७ बस्ने ३१ वर्षीय कमल योगी पैदल हिड्ने क्रममा अचानक सो नदिको खोचमा खसेका थिए ।

सो घटनाबारे जानकारी पाउनासाथै सशस्त्र प्रहरी बल, नेपाल नम्बर २४ गण कास्कीबाट सशस्त्र प्रहरी निरीक्षक देवीलाल गोतामेको कमाण्डमा खटिएको एपीएफ टोलीले उनको सकुशल उद्धार गरेको हो ।

उद्धार पश्चात एपीएफ टोलीले उनलाई उपचारको लागि गण्डकी मेडिकल अस्पतालतर्फ पठाएको छ ।