काठमाडौंः सशस्त्र प्रहरी बल, नेपाल लोकमार्ग सुरक्षा पोष्ट आदमघाटबाट खटिएको एपीएफ टोलीले शनिबार राति करिब ५० के.जी. चरेशसहित धादिङ जिल्लाको गल्छी गाउँपालिका–८ बस्ने ३४ वर्षीय दिपक मगरलाई पक्राउ गरेको छ ।

विशेष सुचनाको आधारमा सो पोष्टबाट खटिएको एपीएफ टोलीले सोही जिल्लाको थाके गाउँपालिका–१ खयरघारी स्थित पूर्व पश्चिम लोकमार्गबाट उनलाई पक्राउ गरेको हो ।

बा २१ प ८७६ नम्बरको मोटरसाइकलमा आएका मगरले तीन वटा झोलामा राखेर लैजाँदै गरेको अवस्थामा उल्लेखित चरेश भेटिएपछि उनलाई पक्राउ गरिएको हो ।

त्यसवेला उनले प्रयोग गरेको उक्त मोटरसाइकल समेत एपीएफ टोलीले बरामद गरेको छ ।


। उक्त चरेश लिएर गल्छीबाट खयरघारीतर्फ जाँदै गरेका मगरलाई राति करिब साढे आठ बजे एपीएफ टोलीले फेला पारेको थियो ।

उनलाई राति नै आवश्यक कारवाहीको लागि इलाका प्रहरी कार्यालय गजुरीमा बुझाईएको छ ।

उक्त चरेश धादिङ जिल्लाको गोगनपानी भन्ने ठाउँबाट काठमाडौं ल्याउने उद्देश्यले ल्याउँदै गरेको कुरा मगरले एपीएफ टोली समक्ष बताएका छन् ।