कपिलबस्तुमा बसको ठक्करबाट साइकलयात्रीको मृत्यु

कपिलबस्तुः शिबराज नगरपालिका–१ मा आज बिहान बसको ठक्करबाट साइकलयात्रीको मृत्यु भएको छ ।

मृत्यु हुनेमा स्थानीय १६ वर्षीय सन्तोष मगर रहेका छन् ।

ना ८ ख ८१९१ नम्बरको बसले मगर आएको साइकललाई ठक्कर दिँदा गम्भीर घाइते भएका उनको उपचारको क्रममा लुम्बिनी प्रादेशिक अस्पताल बुटवलमा मृत्यु भएको हो ।

ठक्कर दिने बस सहित चालकलाई वडा प्रहरी कार्यालय चन्द्रौटाले नियन्त्रणमा लिएको छ ।