काठमाडौंको जडिबुटीमा आज बसको ठक्करबाट एक युवकको मृत्यु

काठमाडौंः काठमाडौंको जडिबुटीमा आज दिउँसो बसको ठक्करबाट एक युवकको मृत्यु भएको छ ।

ना ५ ख ४८०० नम्बरको बस जडिबुटीमा रहेको मोटर ग्यारेजमा परिचालकले पार्किङ गर्ने क्रममा अन्दाजी २० वर्षीय युवकलाई दिँदा उनको मृत्यु भएको हो ।

मृतकको सनाखत हुन सकेको छैन् ।

बसको ठक्करबाट गम्भीर घाइते भएका उनको उपचारको क्रममा राष्ट्रिय ट्रमा सेन्टरमा मृत्यु भएको हो ।

परिचालकलाई प्रहरी प्रभाग कोटेश्वरले नियन्त्रणमा लिएको छ भने बस चालक फरार रहेकाले खोजतलास भइरहेको छ ।

यसैगरी, सिराहाको धनगढीमाई नगरपालिका–१० मा आज बिहान भएको सवारी दुर्घटनामा परि मोटरसाइकल चालकको मृत्यु भएको छ ।

मृत्यु हुनेमा सिराहाकै मिर्चैया नगरपालिका–६ बस्ने २५ वर्षीय विकाश साह रहेका छन् ।

प्रदेश १–०१ ००१ ख ३७१२ नम्बरको बसमा स ६ प ६८०४ नम्बरको मोटरसाइकल ठोक्किँदा गम्भीर घाइते भएका उनको उपचारको लागि अस्पताल लैजादै गर्दा बाटोमै मृत्यु भएको हो ।

घाइते भएका मोटरसाइकलमा पछाडी चढेका २ जनाको भने स्थानीय अस्पतालमा उपचार भइरहेको छ ।

बस चालकलाई इलाका प्रहरी कार्यालय धनगढीले नियन्त्रणमा लिएको छ ।