गोरखामा टिपरबाट ओर्लने क्रममा सोही टिपरले ठक्कर दिँदा एकको मृत्यु

गोरखाः बारपाक सुलीकोट गाउँपालिका–५ दुकुर्नेमा आइतबार बेलुकी टिपरबाट ओर्लने क्रममा सोही टिपरले ठक्कर दिँदा एक जनाको मृत्यु भएको छ ।

मृत्यु हुनेमा स्थानीय ३२ वर्षीय लाल बहादुर बराम रहेका छन् ।

खहरेबाट बाघकोटतर्फ आउँदै गरेको ग १ ख ७५ ८८ नम्बरको टिपरबाट ओर्लने क्रममा बरामलाई सोही टिपरले ठक्कर दिँदा गम्भीर घाइते भएका उनको उपचारका क्रममा जिल्ला अस्पताल गोरखामा मृत्यु भएको हो ।

टिपर चालकलाई इलाका प्रहरी कार्यालय ताकुकोटले नियन्त्रणमा लिएको छ ।