चितवनः राप्ती नगरपालिका–११ आमपानीमा आइतबार बेलुकी ट्याक्टर दुर्घटना हुँदा ५ जनाको मृत्यु भएको छ ।

मृत्यु हुनेमा ट्याक्टरमा आएका राप्ती नगरपालिका–५ का ३५ वर्षीय खडक लामा, राप्ती–४ का ४५ वर्षीय सिताराम श्रेष्ठ, चितवनकै खैरहनी नगरपालिका–९ का ४० वर्षीया मगन महत्तो, चितवनकै खैरहनी नगरपालिका–९ बैरहनीकी ५० वर्षीया छनिया महत्तो र नामथर ठेगाना नखुलेका अन्दाजी २५ वर्षीय युवक रहेका छन् ।

थाकलटारबाट चिउडेखोलातर्फ जाँदै गरेको ना १ त ६२ ८२ नम्बरको ट्याक्टर अनियन्त्रित भई सडकबाट अन्दाजी दुई सय मीटर तल खस्दा उनीहरुको मृत्यु भएको हो ।


प्रकाशित मितिः २०७७ साल चैत ३० गते सोमबार, १०:३०