चितवनः राप्ती नगरपालिका–१ लोथरमा आज २ ओटा ट्रक एकआपसमा जुध्दा एक जनाको मृत्यु भएको छ भने ३ जना घाइते भएका छन् ।

मृत्यु हुनेमा मकवानपुरको हेटौंडा उपमहानगरपालिका–१४ का २६ वर्षीय वीर बहादुर लोप्चन रहेको जिल्ला प्रहरी कार्यालय चितवनले जनाएको छ ।

आज बिहान साढे ७ बजे २ विपरित दिशाबाट जाँदै गरेको ना ६ ख ७९६७ र ना ५ ख ८७४३ नम्बरको ट्रक एक आपसमा जुध्दा गम्भीर घाइते भएका ८७४३ नम्बरको ट्रकका चालक लोप्चनको उपचारको क्रममा भरतपुरमा मृत्यु भएको हो ।

दुर्घटनामा अन्य ३ जना घाइते भएका छन् उनीहरुको भरतपुरमै उपचार भइरहेको छ ।


प्रकाशित मितिः सोमबार, मंसिर ३०, ११:१६