चितवनः चितवन राप्ती नगरपालिका–५ भण्डारा, चौकी डाँडा भन्ने स्थानमा १ हजार दरको ३ लाख १९ हजार रुपैयाँ नक्कली नोट सहित प्रहरीले एक जनालाई मंगलबार दिउँसो पक्राउ गरेको छ ।

पक्राउ पर्नेमा मकवानपुर राक्सीराङ गाउँपालिका–८ बस्ने २६ वर्षीय जित बहादुर लोप्चन रहेका छन् ।

नक्कली नोटको कारोबार गरेको भन्ने सूचनाको आधारमा इलाका प्रहरी कार्यालय भण्डाराबाट खटिएको प्रहरीले उक्त स्थानबाट लोप्चनलाई नियन्त्रणमा लिई थप अनुसन्धान गर्ने क्रममा लोप्चनको घरको मकैको कोन्युमा लुकाई छिपाई राखेको अवस्थामा उक्त नक्कली नोट फेला पारी उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।



प्रकाशित मितिः २०७७ साल कार्तिक ५ बुधबार, १८:३४