काठमाडौंः छुट्टाछुट्टै दुर्घटनामा तीन जनाको मृत्यु भएको छ ।

रुपन्देहीको मायादेवी गाउँपालिका–४ मा आज बिहान टिपर र मोटरसाइकल आपसमा ठक्कर खाँदा एक जनाको मृत्यु भएको छ ।

मोटरसाइकल चालक स्थानीय २० वर्षीय रवी कुमार तिवारीको मृत्यु भएको हो ।

लु २ ख २७०२ नम्बरको टिपर र लु ३९ प ५३१४ नम्बरको मोटरसाइकल आपसमा ठक्कर खाँदा गम्भीर घाइते भएका उनको उपचारको क्रममा युनिभर्सल कलेज अफ मेडिकल साइन्स भैरहवामा मृत्यु भएको हो ।

दुवै सवारी साधन र टिपर चालकलाई इलाका प्रहरी कार्यालय लुम्बिनीले नियन्त्रणमा लिएको छ ।

यस्तै, सप्तरीको हनुमाननगर कंकालिनी नगरपालिका–१ भारदहमा आज बिहान बलेरोको ठक्करबाट मोटरसाइकल चालकको मृत्यु भएको छ ।


मृत्यु हुनेमा मोरङको रंगेली नगरपालिका–८ का ३७ वर्षीय भिमराज राजवंशी रहेका छन् ।

लु २५ प ५७ १२ नम्बरको मोटरसाइकललाई को १ ज ३१९९ नम्बरको बलेरोले ठक्कर दिँदा उनको घटनास्थलमै मृत्यु भएको हो ।

दुवै सवारी साधन र बलेरो चालकलाई इलाका प्रहरी कार्यालय भारदहले नियन्त्रणमा लिएको छ ।

यसैगरी, पाल्पाको रिब्दिकोट गाउँपालिका–२ जोर्तेमा आज बिहान टिपर दुर्घटना हुँदा चालकको मृत्यु भएको छ ।

मृत्यु हुनेमा पाल्पाकै तानसेन नगरपालिका–१४ अर्गली बस्ने ३५ वर्षीय प्रकाश राना रहेका छन् ।

बुटवलबाट अर्गलीतर्फ जाँदै गरेको लु २ ख ३५७१ नम्बरको टिपर अनियन्त्रित भई सडकबाट १ सय मिटर तल खसेको थियो । गम्भीर घाइते भएका रानाको उपचारको क्रममा मिशन अस्पताल तानसेनमा मृत्यु भएको प्रहरी चौकी अर्गलीले जनाएको छ ।


प्रकाशित मितिः २०७७ साल माघ २१ गते बुधबार, १७:३७