काठमाडौंः छुट्टाछुट्टै दुर्घटनामा दुई जनाको मृत्यु भएको छ । काठमाडौं र बर्दियामा भएको छुट्टाछुट्टै दुर्घटनामा एक/एक जनाको मृत्यु भएको हो ।

काठमाडौंको दक्षिणकाली नगरपालिका–६ मा बिहीबार बेलुकी टिपरको ठक्करबाट पैदलयात्रीको मृत्यु भएको छ ।

मृत्यु हुनेमा मकवानपुरको भिमफेदी–८ का ३५ वर्षीय सन्तलाल लुम्बा रहेका छन् ।

पैदल हिंडिरहेका लुम्बालाई नाम्चेखानीबाट फर्पिङ आउँदै गरेको बा २ क ४५५३ नम्बरको टिपरले ठक्कर दिँदा घाइते भएका उनको ललितपुर स्थित नेपाल मेडिसिटी अस्पतालमा उपचारको क्रममा मृत्यु भएको हो ।

टिपर सहित चालकलाई इलाका प्रहरी कार्यालय फर्पिङले नियन्त्रणमा लिएको छ ।


।

यसैगरी, बर्दियाको बाँसगढी नगरपालिका–३ लखना बेलुवामा बिहीबार साँझ ट्याक्टरको ट्रलीबाट खसेर एक पुरुषको घटनास्थलमै मृत्यु भएको छ ।

मृत्यु हुनेमा स्थानीय ४५ वर्षीय लाल बहादुर थारु रहेका छन् ।

भे १ त ७५ ०७ नम्बरको ट्याक्टरको ट्र्लीबाट उनी खसेका थिए । ट्याक्टर चालकलाई इलाका प्रहरी कार्यालय मोतीपुरले नियन्त्रणमा लिइसकेको छ ।


प्रकाशित मितिः २०७७ साल फागुन १४ गते शुक्रबार, १०:४२