काठमाडौंः अब जिल्ला तहमा ६ वटा कार्यालय मात्र रहने भएका छन् ।

अब जिल्ला तहमा जिल्ला प्रशासन, कोष तथा लेखा नियन्त्रण कार्यालय, जिल्ला निर्वाचन कार्यालय, जिल्ला हुलाक कार्यालय, जिल्ला अदालत र जिल्ला प्रहरी कार्यालय मात्र रहने संघीय मामिला तथा सामान्य प्रशासन मन्त्रालयका प्रवक्ता सुरेश अधिकारीले जनाए ।

जिल्ला तहमा रहेका अन्य कार्यालय स्थानीय तहको अधिकार क्षेत्रभित्र पर्ने भएकाले ती कार्यालय स्थानीय सरकारअन्तर्गत हुने भएका छन् । ती ६ वटा कार्यालयबाहेक अन्य कार्यालय स्थानीय तहअन्तर्गत मन्त्रालयले निर्देशनसमेत दिइसकेको छ।

प्रवक्ता अधिकारीले हाललाई जिल्ला मालपोत र जिल्ला नापी कार्यालय जिल्ला तहमा रहेपछि स्थानीय तहको अधिकारमा जाने बताए ।


उनले भने,अहिले स्थानीय तहले जग्गासम्बन्धी काम गर्न सक्ने अवस्था छैन  त्यसैले तत्कालका लागि केन्द्र सरकार अन्तर्गत रहे पनि पछि स्थानीय सरकार मातहतमा जान्छन् ।

पहिले करीब ३० वटा जिल्ला कार्यालय रहेका थिए ।