काठमाडौंः पशुपतिमा सुनको गजुर, मौनतामा, नेपालकी छोरी, परदेशीको तिहार जस्ता थुपै म्यूजिक भिडियोहरु नेपाली साँँकेतिक बजारमा ल्याएको डि फोर क्रियशनले वेवी शावर नामक शुभकामना गीतको म्युजिक भिडियो सार्वजनिक गरेको छ ।

परदेशमा रहेर नेपाली गीत रचनामा सक्रिय गीतकार दुर्गा खनाल घिमिरेले रचना गरेको वेवि शावर सम्भवतः पहिलो नेपाली गीत नै हुन सक्छ जुन गीतलाई डि फोर युटुब्ब च्यानल मार्फत बिहिबार सार्वजनिक गरिएको छ ।

गायक प्रताप दास र मिलन नेवार अमात्यको स्वरमा रहेको गीतमा आयुश रिजाल, अन्जली अधिकारी, रश्मी भट्ट, कमल कान्त मैनाली लगायतको अभिनय हेर्न सकिन्छ ।

अहिले नेपालीहरु संसारभर पुगेका छन् परिवारमा जव नयाँ बच्चा जन्मदैछ भन्ने थाहा पाउने वित्तिकै नेपाली परम्परा अनुसार दहि चिउरा खुवाउने गरिन्छ तर पश्चिमी मुलुकमा गरिने बेबी शावर गरि मनाउँछन ।


। जहाँ गीत संगितमा रमाउने गरिन्छ । तर नेपाली संगितमा अहिले सम्म बेबी शावरलाई नै लक्षित गरेर कुनै गीत नभएको थाहा पाएपछि गितकार दुर्गा खलाल घिमिरेले यो गीत तयार पारेको बताईन् ।

गीतको म्युजिक एरेज र कम्पोज हेम लामाले गरेका छन भने मिक्सिगं मास्टरिगं विवेक शाक्यले गरेका हुन । गीतको प्रोडक्सन मेनेजर शम्भु श्रेष्ठ, मेकअप माही सिंह रहेका छन् ।

गीतको सिनेमाटोग्राफी ज्ञानेन्द्र शर्मा, ईडिट र कलर नविन निरौला, सहायक निर्देशक सुवोल थापाको रहेका छन् । म्युजिक भिडियोको निर्देशन गम्भिर विष्ठले गरेका हुन ।

भिडियोमा विदेशमा बस्ने नेपालीलाई आफ्नो देशको बैवाहिक परम्परा कस्तो रहेछ भन्ने देख्न पाउँछन् भने गीतको भिडियोमा विवाहमा परिवारको मुल्य मान्यता लाई जोड दिँदै माईतिको आगनमा नाच्ने खेल्ने गरेको अवस्था देखि पराईघर जाँदै गर्दाको र गर्भवती भएर नयाँ बच्चालाई स्वागत गर्न वेला सम्मको अवस्थालाई गीतको म्यूजिक भिडीयोमा समेटिएको निर्देशक गम्भिर बिष्टले बताए ।

भिडियो हेर्नुहोस्ः


प्रकाशित मितिः शनिबार, असार ६, २०७७, ०७:३२