काठमाडौंः नेपालमा पछिल्लो २४ घण्टामा थप १२० जनामा कोरोना भाइरसको संक्रमण पुष्टि भएको छ । यो सँगै संक्रमितको संख्या २ लाख ७४ हजार ६०८ जना पुगेका छन् ।

स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा ५१ जना महिला र ६९ जना पुरुष गरी कूल १२० जनामा कोरोना भाइरस संक्रमण देखिएको हो ।

मन्त्रालयका अनुसार कोरोना भाइरस (कोभिड–१९) का कारणबाट पछिल्लो २४ घण्टामा एक जनाको पनि मृत्यु भएको छैन् । हालसम्म नेपालमा कोरोना संक्रमणका कारण मृत्यु हुनेको संख्या ३ हजार १० जना पुगेको छ ।

पछिल्लो २४ घण्टामा ६ हजार १४३ जनाको पीसीआर परीक्षण गरिएको छ । आजसम्म आर टी र पी सी आर परीक्षण गर्नेको संख्या २१ लाख ८५ हजार १९० पुगेको छ ।


मन्त्रालयका अनुसार क्वारेन्टाइनमा ५८ जना र सक्रिय संक्रमित ८३२ जना रहेका छन् ।

हालसम्म डिस्चार्ज हुनेको कुल संख्या २ लाख ७० हजार ७६६ पुगेको छ ।


प्रकाशित मितिः २०७७ साल फागुन २१ गते शुक्रबार, १७:०९