काठमाडौंः नेपालमा पछिल्लो २४ घण्टामा थप १ हजार ३८२ जनामा कोरोना भाइरसको संक्रमण पुष्टि भएको छ । यो सँगै संक्रमितको संख्या २ लाख ४३ हजार ३७७ जना पुगेका छन् ।

स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा ५४६ जना महिला र ८३६ जना पुरुष गरी कूल १ हजार ३८२ जनामा कोरोना भाइरस संक्रमण देखिएको हो ।

कोरोना भाइरस (कोभिड–१९) का कारणबाट पछिल्लो २४ घण्टामा थप २३ जनाको मृत्यु भएको मन्त्रालयले जनाएको छ । यो सँगै नेपालमा कोरोना संक्रमणका कारण मृत्यु हुनेको संख्या १ हजार ६३७ जना पुगेको छ ।

पछिल्लो २४ घण्टामा ८ हजार ९४७ जनाको पीसीआर परीक्षण गरिएको छ ।


। आजसम्म आर टी र पी सी आर परीक्षण गर्नेको संख्या १७ लाख ९९ हजार ६८६ पुगेको छ ।

मन्त्रालयका अनुसार क्वारेन्टाइनमा ५२३ जना र सक्रिय संक्रमित १२ हजार ६८६ जना रहेका छन् ।

हालसम्म डिस्चार्ज हुनेको कुल संख्या २ लाख २९ हजार ५४ पुगेको छ ।


प्रकाशित मितिः २०७७ साल मंसिर २३ मंगलबार, १६:४१