काठमाडौंः नेपालमा पछिल्लो २४ घण्टामा थप १ हजार ४४ जनामा कोरोना भाइरसको संक्रमण पुष्टि भएको छ । यो सँगै संक्रमितको संख्या २ लाख ४६ हजार ६९४ जना पुगेका छन् ।

स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा ४११ जना महिला र ६३३ जना पुरुष गरी कूल १ हजार ४४ जनामा कोरोना भाइरस संक्रमण देखिएको हो ।

कोरोना भाइरस (कोभिड–१९) का कारणबाट पछिल्लो २४ घण्टामा थप ११ जनाको मृत्यु भएको मन्त्रालयले जनाएको छ । यो सँगै नेपालमा कोरोना संक्रमणका कारण मृत्यु हुनेको संख्या १ हजार ६७४ जना पुगेको छ ।

पछिल्लो २४ घण्टामा ७ हजार ४१४ जनाको पीसीआर परीक्षण गरिएको छ ।


। आजसम्म आर टी र पी सी आर परीक्षण गर्नेको संख्या १८ लाख २० हजार ६१८ पुगेको छ ।

मन्त्रालयका अनुसार क्वारेन्टाइनमा ५१९ जना र सक्रिय संक्रमित १२ हजार १४८ जना रहेका छन् ।

हालसम्म डिस्चार्ज हुनेको कुल संख्या २ लाख ३२ हजार ८७२ पुगेको छ ।


प्रकाशित मितिः २०७७ साल मंसिर २६ गते शुक्रबार, १६:५६