थप २६६ जना कोरोना संक्रमित थपिए

काठमाडौंः नेपालमा पछिल्लो २४ घण्टामा थप २६६ जनामा कोरोना भाइरसको संक्रमण पुष्टि भएको छ । यो सँगै संक्रमितको संख्या २ लाख ६७ हजार ३२२ जना पुगेका छन् ।

स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा ९१ जना महिला र १७५ जना पुरुष गरी कूल २६६ जनामा कोरोना भाइरस संक्रमण देखिएको हो ।

कोरोना भाइरस (कोभिड–१९) का कारणबाट पछिल्लो २४ घण्टामा थप ५ जनाको मृत्यु भएको मन्त्रालयले जनाएको छ । यो सँगै नेपालमा कोरोना संक्रमणका कारण मृत्यु हुनेको संख्या १ हजार ९५९ जना पुगेको छ ।

पछिल्लो २४ घण्टामा ३ हजार ५०८ जनाको पीसीआर परीक्षण गरिएको छ । आजसम्म आर टी र पी सी आर परीक्षण गर्नेको संख्या २० लाख १२ हजार ४५२ पुगेको छ ।

मन्त्रालयका अनुसार क्वारेन्टाइनमा २२१ जना र सक्रिय संक्रमित ३ हजार ९१९ जना रहेका छन् ।

हालसम्म डिस्चार्ज हुनेको कुल संख्या २ लाख ६१ हजार ४४४ पुगेको छ ।