काठमाडौंः नेपालमा पछिल्लो २४ घण्टामा थप ४१९ जनामा कोरोना भाइरसको संक्रमण पुष्टि भएको छ । यो सँगै संक्रमितको संख्या २ लाख ६१ हजार ४३८ जना पुगेका छन् ।

स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा १७४ जना महिला र २४५ जना पुरुष गरी कूल ४१९ जनामा कोरोना भाइरस संक्रमण देखिएको हो ।

कोरोना भाइरस (कोभिड–१९) का कारणबाट पछिल्लो २४ घण्टामा थप ६ जनाको मृत्यु भएको मन्त्रालयले जनाएको छ । यो सँगै नेपालमा कोरोना संक्रमणका कारण मृत्यु हुनेको संख्या १ हजार ८७० जना पुगेको छ ।

पछिल्लो २४ घण्टामा ५ हजार जनाको पीसीआर परीक्षण गरिएको छ । आजसम्म आर टी र पी सी आर परीक्षण गर्नेको संख्या १९ लाख ४२ हजार ७०२ पुगेको छ ।


मन्त्रालयका अनुसार क्वारेन्टाइनमा ३६७ जना र सक्रिय संक्रमित ५ हजार ७११ जना रहेका छन् ।

हालसम्म डिस्चार्ज हुनेको कुल संख्या २ लाख ५३ हजार ८५७ पुगेको छ ।


प्रकाशित मितिः २०७७ साल पुस १८ गते शनिबार, १६:५५