काठमाडौंः नेपालमा पछिल्लो २४ घण्टामा थप ५७ जनामा कोरोना भाइरसको संक्रमण पुष्टि भएको छ । यो सँगै संक्रमितको संख्या २ लाख ७२ हजार ६१४ जना पुगेका छन् ।

स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा २७ जना महिला र ३० जना पुरुष गरी कूल ५७ जनामा कोरोना भाइरस संक्रमण देखिएको हो ।

मन्त्रालयका अनुसार कोरोना भाइरस (कोभिड–१९) का कारणबाट पछिल्लो २४ घण्टामा एक जनाको पनि मृत्यु भएको छैन् । हालसम्म नेपालमा कोरोना संक्रमणका कारण मृत्यु हुनेको संख्या २ हजार ५४ जना पुगेको छ ।

पछिल्लो २४ घण्टामा १ हजार ९०० जनाको पीसीआर परीक्षण गरिएको छ । आजसम्म आर टी र पी सी आर परीक्षण गर्नेको संख्या २१ लाख १३ हजार ५४९ पुगेको छ ।


मन्त्रालयका अनुसार क्वारेन्टाइनमा ८१ जना र सक्रिय संक्रमित १ हजार ६३१ जना रहेका छन् ।

हालसम्म डिस्चार्ज हुनेको कुल संख्या २ लाख ६८ हजार ९२९ पुगेको छ ।


प्रकाशित मितिः २०७७ साल फागुन १ गते शनिबार, १६:४१