काठमाडौंः नेपालमा पछिल्लो २४ घण्टामा थप ७१० जनामा कोरोना भाइरसको संक्रमण पुष्टि भएको छ । यो सँगै संक्रमितको संख्या २ लाख ५३ हजार १८४ जना पुगेका छन् ।

स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा  ३०६ जना महिला र  ४०४ जना पुरुष गरी कूल ७१० जनामा कोरोना भाइरस संक्रमण देखिएको हो ।

कोरोना भाइरस (कोभिड–१९) का कारणबाट पछिल्लो २४ घण्टामा थप १२ जनाको मृत्यु भएको मन्त्रालयले जनाएको छ । यो सँगै नेपालमा कोरोना संक्रमणका कारण मृत्यु हुनेको संख्या १ हजार ७७७ जना पुगेको छ ।

पछिल्लो २४ घण्टामा ४ हजार ७८० जनाको पीसीआर परीक्षण गरिएको छ । आजसम्म आर टी र पी सी आर परीक्षण गर्नेको संख्या १८ लाख ६६ हजार २१० पुगेको छ ।


मन्त्रालयका अनुसार क्वारेन्टाइनमा ४२१ जना र सक्रिय संक्रमित ८ हजार ८४० जना रहेका छन् ।

हालसम्म डिस्चार्ज हुनेको कुल संख्या २ लाख ४२ हजार ५६७ पुगेको छ ।


प्रकाशित मितिः २०७७ साल पुस ४ गते शनिबार, १६:२६