धनुषामा बसको ठक्करबाट मोटरसाइकल चालकको घटनास्थलमै मृत्यु

धनुषाः गणेशमान चारनाथ नगरपालिका–४ डाडाटोलमा सोमबार राति बसले मोटरसाइकललाई ठक्कर दिँदा मोटरसाइकल चालकको घटनास्थलमै मृत्यु भएको छ ।

मृत्यु हुनेमा मोटरसाइकल चालक मिथिला नगरपालिका–६ का ३७ वर्षीय बिबेक कुमार बस्नेत रहेका छन् ।

धरानबाट काठमाडौं आउँदै गरेको ना ५ ख ६१२३ नम्बरको बसले ज ११ प ९५८८ नम्बरको मोटरसाइकललाई ठक्कर दिँदा उनको घटनास्थलमै मृत्यु भएको हो ।

ठक्कर दिने बस सहित चालकलाई इलाका प्रहरी कार्यालय भरतपुरले नियन्त्रणमा लिएको छ ।