काठमाडौंः एस स्टडी वर्ल्डले निर्माण गरेको गायक दिल तामाङको नयाँ गीत ‘नाचिदेउ बसन्ती’ को म्युजिक भिडियो सार्वजनिक भएको छ ।

डि पी खनालको शब्द र शंकर थापा ‘स्माइल’ को संगीत रहेको गीतलाई उदय राज पौडेलले एरेन्ज गरेका हुन् ।

भिमफेदी गाइज र एलिसा शर्माको दमदार अभिनय र नृत्य रहेको भिडियोमा पवन सुस्लिङको क्यामेरा र सम्पादन रहेको छ भने भिडियोलाई निर्मल लामाको निर्देशन गरेका हुन् ।

गीतको भिडियोलाई स्टार क्याडेटको अफिसियल युट्युब च्यानल मार्फत सार्वजनिक गरिएको हो ।

यो गीतको उत्कृष्ट कभर भिडियो बनाउनेलाई नगद १ लाख पुरस्कार दिने पनि प्रोडक्सनले जनाएको छ ।


। एस स्टडी वर्ल्डले यसअघि पनि राम्रा राम्रा गीतहरुको म्युजिक भिडियोको निर्माण गर्दै आइरहेको छ र यसलाई आगामी दिनमा पनि निरन्तरता दिइने कम्पनीले जनाएको छ ।

भिडियो हेर्नुहोस्ः


प्रकाशित मितिः २०७७ साल पुस १८ गते शनिबार, १३:४२