निर्वाचन आयोगद्वारा मतदाता नामावली संकलन स्थगित

काठमाडौः निर्वाचन आयोगले मतदाता नामावली संकलनको कार्य स्थगित गरेको छ ।

सरकारले प्रतिनिधिसभा विघटन गरी आगामी बैशाख १७ र २७ गते मध्यावधि निर्वाचनको मिति घोषणा भएलगत्तै आयोगले मतदाता नामावली संकलनको कार्य स्थगित गरेको हो ।

आयोगले अहिलेसम्म संकलन भएका मतदाता नामावलीलाई अद्यावधिक गरेर मतदाताको सूचीमा समावेश गर्ने जनाएको छ ।

अद्यावधिक निर्वाचनका लागि तयारी गर्नुपर्ने भएकाले तत्कालका लागि मतदाता नामावली स्थगित गर्नुपरेको आयोगका प्रवक्ता राजकुमार श्रेष्ठले जानकारी दिए ।