काठमाडौंः बागमती प्रदेशसभाको बैठक आज बस्दैछ ।

सभामुख सानु कुमार श्रेष्ठले बैठक दिउँसो एक बजे बोलाएका हुन् ।

प्रदेशसभा सचिवालयका अनुसार आज बस्ने बैठकमा मुख्यमन्त्री डोरमणि पौडलविरुद्ध दर्ता भएको अविश्वासको प्रस्तावमाथि सामान्य छलफल सुरु हुनेछ ।

प्रधानमन्त्री केपी शर्मा ओली निकट मुख्यमन्त्री पौडेलविरुद्ध प्रचण्ड–माधव समूहका ४५ जना प्रदेशसभा सदस्यहरुले गत पुस १० गते अविश्वासको प्रस्ताव दर्ता गराएका थिए ।

प्रदेशसभाको सातौं अधिवेशन बैठक गत माघ ७ गते दिउँसो सुरु भएको थियो । बैठकमा विभिन्न दलका नेताहरुले शुभकामना मन्तव्य व्यक्त गरिपछि सभामुख श्रेष्ठले अनिश्चितकालका लागि स्थगन गरेका थिए ।



प्रकाशित मितिः २०७७ साल माघ ९ गते शुक्रबार, ११:५२