काठमाडौंः त्रिभुवन विश्वविद्यालय (त्रिवि) ले कोरोना भाइरस (कोभिड–१९) बाट स्थगित बीएस्सी, बीबीएस र बीएड चौथो वर्षको परीक्षा मंसिर २८ गतेदेखि सुरु गर्ने भएको छ ।

विज्ञान तथा प्रविधि अध्ययन संस्थान, व्यवस्थापन संकाय र शिक्षा संकायतर्फको चार वर्षे बीएस्सी, बीबीएस र बीएड चौथो वर्षका नियमित तथा आंशिक परीक्षा सञ्चालन गर्न लागिएको त्रिवि, परीक्षा नियन्त्रण कार्यालयले जनाएको छ ।

त्रिविका अनुसार स्वास्थ्य सुरक्षा मापदण्ड अपनाएर बिहान ८ देखि ११ बजेसम्म परीक्षा सञ्चालन गर्न लागिएको हो ।

चौथो वर्षको फर्म छुटेका विद्यार्थीले दोब्बर दस्तुर तिरेर मंसिर ८ गते भित्र फर्म भरिसक्नु पर्ने परीक्षा नियन्त्रण कार्यालयले जानकारी दिएको छ ।


परीक्षा तालिका:


प्रकाशित मितिः २०७७ साल कार्तिक २५ मंगलबार, १५:३३