भक्तपुरमा करेन्ट लागेर एकको मृत्यु

भक्तपुरः भक्तपुर नगरपालिका—१ सल्लाघारीमा मंगलबार दिउँसो करेन्ट लाग्दा एक जनाको मृत्यु भएको छ ।

मृत्यु हुनेमा सिन्धुपाल्चोक ईन्द्रावती गाँउपालिका–२ कुन्चोक घर भई हाल भक्तपुरको राधे राधे बस्ने २० वर्षीय संजीव भारती रहेको महानगरीय प्रहरी परिसर भक्तपुरले जनाएको छ ।

सल्लाघारी आकाशे पुल नजिक भरत लाल श्रेष्‍ठको ६ तले पक्की घरमा OHN Aero net Cable बिग्री मर्मत गर्नका लागी OHN Aero net Cable का अपरेटर संजीव र सिन्धुलीको तीनपाटन गाँउपालिका–१ घर भई हाल भक्तपुरको थिमि बस्ने ३२ वर्षीय रोहित तामाङ गई केवल जोडिएको पोलमा रोहित चढेको र ६ तला पक्की घर माथीको रेलिङमा संजीव गई केवल लाईनको तार समाती चेक गर्दा एक्कासी करेन्ट लाग्न गई ६ तला माथीबाट भुईमा खसी बज्रिन गई गम्भीर घाइते भएका थिए ।

उपचारका लागी डा. ईवामुरा मेमोरियल अस्पताल सल्लाघारी लगिएकोमा उनको उपचारकै क्रममा मृत्यु भएको प्रहरी परिसरका सूचना अधिकारी प्रहरी नायव उपरीक्षक दिपक गिरीले जानकारी दिए ।

यस घटना सम्बन्धमा थप अनुसन्धान कार्य भईरहेको प्रहरीले जनाएकको छ ।