भक्तपुरमा २० सहित काठमाडौं उपत्यकामा थप २७९ कोरोना संक्रमित

काठमाडौंः काठमाडौं उपत्यकामा आज थप २७९ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार उपत्यकामा आज ११५ जना महिला र १६४ पुरुष गरी कूल २७९ जनामा कोरोना भाइरस संक्रमण देखिएको हो ।

काठमाडौंमा २१२ जना, भक्तपुरमा २० जना र ललितपुरमा ४७ जनामा संक्रमण देखिएको हो ।

यसैगरी, हालसम्म काठमाडौंमा ४५९ जना, भक्तपुरमा ९८ जना र ललितपुरमा १४४ जनाको कोरोनाका कारण मृत्यु भएको छ ।

मन्त्रालयका अनुसार काठमाडौंमा ३ हजार ११६, भक्तपुरमा २१३ र ललितपुरमा ४८४ जना सक्रिय संक्रमित रहेका छन् । यस्तै, हालसम्म काठमाडौंमा ९२ हजार २९५ जना, भक्तपुरमा ८ हजार ४४८ जना र ललितपुरमा १४ हजार ३७१ जना उपचारपछि डिस्चार्ज भएका छन् ।

हालसम्म काठमाडौंमा ९५ हजार ८७० जना, भक्तपुरमा ८ हजार ७५९ जना र ललितपुरमा १४ हजार ९९९ जना कोरोना संक्रमित रहेका छन् ।