भक्तपुरमा ३ सहित काठमाडौं उपत्यकामा थप ५५ कोरोना संक्रमित

काठमाडौंः काठमाडौं उपत्यकामा आज थप ५५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार उपत्यकामा आज २५ जना महिला र ३० जना पुरुष गरी कूल ५५ जनामा कोरोना भाइरस संक्रमण देखिएको हो ।

काठमाडौंमा ४४ जना, भक्तपुरमा ३ जना र ललितपुरमा ८ जनामा संक्रमण देखिएको हो ।

यसैगरी, हालसम्म काठमाडौंमा ४९९ जना, भक्तपुरमा ११५ जना र ललितपुरमा १६० जनाको कोरोनाका कारण मृत्यु भएको छ ।

मन्त्रालयका अनुसार काठमाडौंमा १ हजार ३९६ जना, भक्तपुरमा १४ जना र ललितपुरमा ६० जना सक्रिय संक्रमित रहेका छन् । यस्तै, हालसम्म काठमाडौंमा ९९ हजार ७१८ जना, भक्तपुरमा ९ हजार ९९ जना र ललितपुरमा १५ हजार ८२८ जना उपचारपछि डिस्चार्ज भएका छन् ।

हालसम्म काठमाडौंमा १ लाख १ हजार ६१३ जना, भक्तपुरमा ९ हजार २२८ जना र ललितपुरमा १६ हजार ४८ जना कोरोना संक्रमित रहेका छन् ।