भक्तपुरमा ४१ सहित काठमाडौं उपत्यकामा थप ३६३ कोरोना संक्रमित

काठमाडौंः काठमाडौं उपत्यकामा आज थप ३६३ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार उपत्यकामा आज १५२ जना महिला र २११ पुरुष गरी कूल ३६३ जनामा कोरोना भाइरस संक्रमण देखिएको हो ।

काठमाडौंमा २७३ जना, भक्तपुरमा ४१ जना र ललितपुरमा ४९ जनामा संक्रमण देखिएको हो ।

यसैगरी, हालसम्म काठमाडौंमा ४५२ जना, भक्तपुरमा ९७ जना र ललितपुरमा १३९ जनाको कोरोनाका कारण मृत्यु भएको छ ।

मन्त्रालयका अनुसार काठमाडौंमा ४ हजार ८७, भक्तपुरमा ३३३ र ललितपुरमा ७३५ जना सक्रिय संक्रमित रहेका छन् । यस्तै, हालसम्म काठमाडौंमा ८९ हजार ५३० जना, भक्तपुरमा ८ हजार १५९ जना र ललितपुरमा १३ हजार ७७३ जना उपचारपछि डिस्चार्ज भएका छन् ।

हालसम्म काठमाडौंमा ९४ हजार ६९ जना, भक्तपुरमा ८ हजार ५८९ जना र ललितपुरमा १४ हजार ६४७ जना कोरोना संक्रमित रहेका छन् ।