भक्तपुरमा ५ सहित काठमाडौं उपत्यकामा थप ६६ कोरोना संक्रमित

काठमाडौंः काठमाडौं उपत्यकामा आज थप ६६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार उपत्यकामा आज ३२ जना महिला र ३४ जना पुरुष गरी कूल ६६ जनामा कोरोना भाइरस संक्रमण देखिएको हो ।

काठमाडौंमा ४८ जना, भक्तपुरमा ५ जना र ललितपुरमा १३ जनामा संक्रमण देखिएको हो ।

यसैगरी, हालसम्म काठमाडौंमा ५०० जना, भक्तपुरमा ११५ जना र ललितपुरमा १६० जनाको कोरोनाका कारण मृत्यु भएको छ ।

मन्त्रालयका अनुसार काठमाडौंमा १ हजार २०३ जना, भक्तपुरमा १७ जना र ललितपुरमा ५१ जना सक्रिय संक्रमित रहेका छन् । यस्तै, हालसम्म काठमाडौंमा १ लाख ६२ जना, भक्तपुरमा ९ हजार १०८ जना र ललितपुरमा १५ हजार ८७५ जना उपचारपछि डिस्चार्ज भएका छन् ।

हालसम्म काठमाडौंमा १ लाख १ हजार ७६५ जना, भक्तपुरमा ९ हजार २४० जना र ललितपुरमा १६ हजार ८६ जना कोरोना संक्रमित रहेका छन् ।