भक्तपुरमा ९ सहित काठमाडौं उपत्यकामा थप २८७ कोरोना संक्रमित

काठमाडौंः काठमाडौं उपत्यकामा आज थप २८७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार उपत्यकामा आज १२१ जना महिला र १६६ पुरुष गरी कूल २८७ जनामा कोरोना भाइरस संक्रमण देखिएको हो ।

काठमाडौंमा २०२ जना, भक्तपुरमा ९ जना र ललितपुरमा ७६ जनामा संक्रमण देखिएको हो ।

यसैगरी, हालसम्म काठमाडौंमा ४५३ जना, भक्तपुरमा ९७ जना र ललितपुरमा १४० जनाको कोरोनाका कारण मृत्यु भएको छ ।

मन्त्रालयका अनुसार काठमाडौंमा ३ हजार ९४४, भक्तपुरमा ३११ र ललितपुरमा ७४३ जना सक्रिय संक्रमित रहेका छन् । यस्तै, हालसम्म काठमाडौंमा ८९ हजार ८७४ जना, भक्तपुरमा ८ हजार ११० जना र ललितपुरमा १३ हजार ८४० जना उपचारपछि डिस्चार्ज भएका छन् ।

हालसम्म काठमाडौंमा ९४ हजार २७१ जना, भक्तपुरमा ८ हजार ५९८ जना र ललितपुरमा १४ हजार ७२३ जना कोरोना संक्रमित रहेका छन् ।