काठमाडौं:  लागु औषध नियन्त्रण व्युरोले २ सय १३ किलो चरेस र २ किलो २५० ग्राम अफिमसहित एकजना भारतीय नागरिकलाई पक्राउ गरेको छ । डब्लु बी २३ बी ५८८५ नम्बरको भारतीय ट्रकमा काठमाडौं ल्याउँदै गरिएको चरेस र अफिमसहित चालकलाई शनिबार बिहान ५ बजे कलंकीबाट पक्राउ गरिएको प्रहरीले जनाएको छ ।

पक्राउ पर्ने ट्रकका चालक २५ वर्षीय मेराज आलम रहेका छन् । भारतको मोतिहारी जिल्लास्थित पूर्वी चम्पारणका उनले ट्रकमा फल्स बटम बनाइ चरेश र अफिम लुकाएका थिए । प्रारम्भिक अनुसन्धानका क्रममा बरामद गरिएको अवैध लागु औषध नेपालको सुनौली नाकाबाट भारतको गोरखपुर हुँदै दिल्लीतर्फ ओसार पसार गर्न लागिएको प्रहरीले जनाएको छ ।


। यसभन्दा अघिपनि पटकपटक उक्त ट्रकको प्रयोग गरी चालक मेराज आलमले अफिम तथा चरेसको ओसारपसार गर्ने गरेको प्रहरीले जनाएको छ ।