मकवानपुरमा बस दुर्घटना हुँदा एकको मृत्यु, १३ घाइते

मकवानपुरः हेटौंडा उपमहानगरपालिका १९ बस्तीपुरमा हेटौंडाबाट चितवनतर्फ आउँदै गरेको बस दुर्घटना हुँदा एक जनाको मृत्यु भएको छ भने १३ जना घाइते भएका छन् ।

ना ५ ख ४६०९ नम्बरको बस आज दिउँसो अनियन्त्रित भई पल्टिँदा बसका परिचालक लमजुङको सुन्दरबजार नगरपालिका–८ का ३३ वर्षीय हरि गौलीको मृत्यु भएको प्रहरीले जनाएको छ ।

दुर्घटनामा परी घाइते भएका सबै जनाको हेटौंडा अस्पतालमा उपचार भइरहेको छ ।

बस चालकलाई प्रहरी चौकी लेवटले नियन्त्रणमा लिएको छ ।