काठमाडौंः राष्ट्रपति डोनाल्ड ट्रम्पका समर्थकले अमेरिकी संसद भवनमा आक्रमण गरेका छन् ।

नोभेम्बर ३ मा भएको राष्ट्रपति निर्वाचनमा डेमोक्र्याटिक पार्टीका उम्मेद्वार जो बाइडेन विजयी भएको घोषणा गर्न लागिरहँदा ट्रम्प समर्थकहरू संसद भवनभित्र छिरेका आक्रमण गरेका हुन् ।

ट्रम्पका समर्थक अन्धाधुन्ध आक्रमणमा उत्रिएपछि प्रहरीले भीडलाई नियन्त्रणमा लिन गोली चलाएको छ । घटनामा एक महिलाको मृत्यु भएको वासिङ्टन पोष्टले जनाएको छ । यद्यपि यसको स्वतन्त्र पुष्टि हुन बाँकी छ ।

ट्रम्पका समर्थकहरूले क्यापिटल बिल्डिङ बाहिर गरिएको तारबार तोडेका थिए। क्यापिटल प्रहरीले बिल्डिङभित्र प्रवेश गरेका १३ जनालाई हिरासतमा लिइएको अमेरिकी सञ्चार माध्यमहरूले जनाएका छन् ।



प्रकाशित मितिः २३ पुस २०७७, बिहीबार, ०७:३५