काठमाडौंः क्रिस्टियानो रोनाल्डोले ‘गोल्डेन फुट अवार्ड’ जितेका छन् ।

इटालियन क्लब युभेन्ट्सका पोर्चुगिज फरवार्ड रोनाल्डोले लियोनल मेस्सी, रोबर्टो लेवान्डोस्की र मोहमद सलाहलाई पछि पार्दै अवार्ड जितेका हुन् ।

रोनाल्डोले पहिलो पटक यस अवार्ड जितेका हुन् । सन् २००३ बाट प्रदान गर्न थालिएको यस ‘गोल्डेन फुट अवार्ड’ जित्ने रोनाल्डो १८ औं खेलाडी बने ।

गत वर्ष यस अवार्ड रियल मड्रिडका लुका मोड्रिचले जितेका थिए ।

मोनाको आयोजित एक कार्यक्रममा रोनाल्डोलाई उनको फुट प्रिन्ट प्रदान गरिनेछ ।


प्रकाशित मितिः २०७७ साल मंसिर १७ बुधबार, ११:५२