एजेन्सीः इंग्लिस प्रिमियर लिग फुटबलमा म्यान्चेष्टर युनाईटेड शीर्ष चार नजिक पुगेको छ । शनिबार राति भएको खेलमा वर्नलीमाथि जित निकाल्दै युनाईटेड तालिकाको शीर्ष चार नजिक पुगेको हो ।

वर्नलीको घरेलु मैदानमा युनाईटेडले २–० को जित निकाल्न सफल रह्यो । युनाईटेडको जितमा एन्थोनी मार्टियल र मार्कोस रासफोर्डले एक एक गोल गरेका थिए ।

खेलको ४४ औं मिनेटमा मार्टियलले गोल गर्दै युनाईटेडलाई सुरुवाती अग्ता दिलाए । रासफोर्डले दोस्रो हाफको ईन्जुरी समयमा गोल गर्दै युनाईटेडको जित निश्चित गरेका थिए ।

युनाईटेडले पछिल्लो ६ खेलमा १३ अंक बटुल्न सफल भएको छ । र ३१ अंक सहित तालिकाको पाँचौ स्थानमा उक्लिएको छ ।


वर्नली २४ अंक सहित तालिकाको १३ औं स्थानमा रहेको छ ।


प्रकाशित मितिः आइतबार १३ पौष, ०७:१५