विराटनगरको पहिलो जित

काठमाडौंः विराटनगर महानगरपालिकाले राष्ट्रिय महिला लिग फुटबलमा पहिलो जित निकालेको छ ।

सातदोबाटोस्थित एन्फा कम्प्लेक्समा आज भएको खेलमा रौतहटको चन्द्रपुर नगरपालिकालाई ५–० ले पराजित गर्दै विराटनगरले पहिलो जित निकालेको हो ।

विराटनगरका लागि कुसुम खड्काले ह्याट्रिक गरिन् भने अनु राई र सरिता शेर्पाले एक एक गोल गरिन् ।

खेलको १२ औं मिनेटमा कुसुमले गोल गर्दै विराटनगरलाई अग्रता दिलाएकी थिइन् । ३२ औं मिनेटमा अनुले गोल गर्दै विराटनगरलाई दोब्बर अग्रता बनाइन् । ३६ औं मिनेटमा सरिताले गोल गर्दै विराटनगरलाई ३–० ले अघि बढाइन् । ७४ औं मिनेटमा कुसुमले व्यक्तिगत दोस्रो गोल गर्दै विराटनगरलाई ४–० को अग्रता दिलाईन् ।

जितसँगै विराटनगरले ३ खेलमा ४ अंक जोडेको छ । चन्द्रपुरले ३ खेलमा ३ अंक जोडेको छ ।