काठमाडौं: विश्वकप फुटबल २०१८ अन्तर्गतको समूह ‘जी’ को जारी खेलमा पानामा विरुद्ध इंग्ल्यान्ड हावी हुँदै ६-१ गोल अन्तरले विजयी भएको छ । इंग्ल्यान्डको जितमा कप्तान ह्यारी केनले ह्याट्रिक गोल गरे ।

जोहन स्टोनेसले खेलको आठौं मिनेटमा नै गोल गर्दै इंग्ल्यान्डलाई अग्रता दिलाएका थिए । खेलको २२औं मिनेटमा इंग्ल्यान्डका खेलाडीलाई पानामाका खेलाडीले आफ्नो डीबक्सभित्र फल गरेपछि पेनाल्टी पाएको थियो । पेनाल्टीमा इंग्ल्यान्डका कप्तान ह्यारी केनले गोल गर्दै २–० गोलको अग्रता दिलाएका थिए ।

खेलको ३६औं मिनेटमा जेसी लिंगार्डले गोल गर्दै ३–० गोलको अग्रता दिलाएका थिए ।


। त्यस्तै, खेलको ४० औं मिनेटमा जोहन स्टोनेसले गोल गर्दै ४–० गोलको अग्रता दिलाएका थिए । पहिलो हाफको अतिरिक्त समयमा पानामाका खेलाडीले आफ्नो डी बक्सभित्र फल गरेपछि इंग्ल्यान्डले फेरि पेनाल्टी पाएको थियो । पेनाल्टीबाट केनले गोल गर्दै पहिलो हाफसम्म ५–० गोलको अग्रता दिलाएका थिए ।

इंग्ल्यान्डको फराकिलो जितमा कप्तान ह्यारी केनले ह्याट्रिक गोल गरे । दोस्रो हाफको ६२औं मिनेटमा केनले ह्याट्रिक पुरा गर्दै इंग्ल्यान्डलाई ६–० गोलको अग्रता दिलाएका थिए । विश्वकपमा ह्याट्रिक गोल गर्ने इंग्लिस खेलाडीमा उनी तेस्रो बने ।

पानामाले खेलको ७८औं मिनेटमा गोल गर्दै खेल ६–१ गोलको स्थितिमा पुयाएको थियो । पानामाको लागि फिलिपे बलोयले गोल गर्न सफल भए । तर फराकिलो अन्तरले अग्रता बनाएको इंग्ल्यान्डलाई रोक्न भने सकेन ।

समूह जी बाट बेल्जियम र इंग्ल्यान्ड समान १–१ खेल खेल्नु अघि नै विश्वकपको नकआउट चरणमा पुगेका छन् । दुबै टिमले समान २–२ खेलमा जित हात पार्दै ६ अंक बनाएका हुन् । यो समूहबाट पानामा र ट्युनिसिया भने विश्वकपबाट बाहिरिएका छन् ।