सिराहाः सिराहामा कटुवा पेस्तोल र गोली सहित एक जनालाई प्रहरीले आज बिहान पक्राउ गरेको छ ।

पक्राउ पर्नेमा औरही गाउँपालिका–५ बस्ने २२ वर्षीय रविन दास रहेका छन् ।

उनलाई प्रहरीले १ थान कटुवा पेस्तोल र ३ राउण्ड गोली सहित पक्राउ गरेको हो ।

सोही ठाउँस्थित जगदेव बाबा पोखरीमा छठ पर्व मनाउन गएको अवस्थामा सोही ठाउँ बस्ने ४२ वर्षीय बिनोद कुमार यादवलाई पुरानो रिसिबीको कारण रविनले कटुवा पेस्तोल ताकेको भन्ने खबर प्राप्त हुनासाथ प्रहरी चौकी औरही र जिल्ला प्रहरी कार्यालय सिराहाबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।



प्रकाशित मितिः २०७७ साल मंसिर ६ शनिबार, १९:४२