सुनसरीको छुट्टाछुट्टै स्थानमा भएको सवारी दुर्घटनामा दुईको मृत्यु

सुनसरीः सुनसरीको २ छुट्टाछुट्टै स्थानमा भएको सवारी दुर्घटनामा परी २ जनाको मृत्यु भएको छ ।

सुनसरीको बराहक्षेत्र नगरपालिका–१ करमखोला पुलमा आज बिहान प्रदेश १–०२–०४० प ५२९६ नम्बरको मोटरसाइकलले पैदल यात्रीलाई ठक्कर दिँदा घाइते भएका स्थानीय ५५ बर्षीय धन बहादुर कार्कीको उपचारको क्रममा बिपी कोईराला स्वास्थ्य बिज्ञान प्रतिष्ठान घोपामा मृत्यु भएको हो ।

ठक्कर दिने मोटरसाइकल इलाका प्रहरी कार्यालय चतराले नियन्त्रणमा लिएको छ भने घाइते मोटरसाइकल चालकको बिपी कोईराला स्वास्थ्य बिज्ञान प्रतिष्ठान घोपामा उपचार भईरहेको उक्त कार्यालयले जनाएको छ ।

यसैगरी, सुनसरीकै हरिनगररा गाउँपालिका–३ मा आज बिहान को २ त ९५८९ नम्बरको ट्याक्टर दुर्घटना हुँदा ट्याक्टरका सह चालक रामधुनी–१ का मनोज श्रेष्ठको मृत्यु भएको छ ।

गौतमपुरमा निर्माणाधिन सडकको लागी पानी बोकेर जाँदै गरेको उक्त ट्याक्टर आफैं अनियन्त्रीत भई बिजुलीको पोलमा ठोक्किदा घाईते भएका सह–चालक श्रेष्ठको जिल्ला अस्पताल इनरुवामा उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ ।