सोसिडाडले जित्यो कोपा डेल रेको उपाधि

काठमाडौंः सन् २०१९/२० स्पेनिस कोपा डेल रे फुटबलको उपाधि रियल सोसिडाडले जितेको छ ।

शनिबार राति भएको फाइनलमा एथ्लेटिक बिल्बाओलाई १–० ले पराजित गर्दै सोसिडाडले उपाधि जितेको हो ।

सोसिडाडका लागि मिकेल ओयार्जाबलले निर्णायक गोल गरे ।

उनले खेलको ६३ औं मिनेटमा पेनाल्टीमार्फत गरेको गोल नै खेलमा निर्णायक बन्यो ।

यससँगै सोसिडाडले ३४ वर्षपछि पहिलोपटक कोपा डेल रेको उपाधि जित्न सफल भएको छ ।

सन् १९८७ पछि सोसिडाडको यो पहिलो उपाधि समेत हो ।

बिल्बाओले भने यहिँ अप्रिलमा कोपा डेल रेको अर्को फाइनल खेल्नेछ ।

सन् २०२०/२१ को फाइनलमा बिल्बाओले बार्सिलोनासँग अप्रिल १७ मा खेल्नेछ ।