६ सयले घट्यो सुनको मूल्य

काठमाडौंः नेपाली बजारमा आज सुनको मूल्य घटेको छ भने चाँदीको मूल्य चाहिँ स्थिर रहेको छ । बिहीबारको तुलनामा शुक्रबार सुन ६ सय रुपैयाँले घटेको हो ।

बिहीबार ८६ हजार ९ सय रुपैयाँमा कारोबार भएको छापावाला सुन आज शुक्रबार ६ सयले घटेर ८६ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै, तेजावी सुन प्रतितोला ८५ हजार ८५० रुपैयाँमा कारोबार भइरहेको छ ।

चाँदी भने आज स्थिर रहँदै प्रतितोला १ हजार २३० रुपैयाँमै कारोबार भइरहेको महासंघले जनाएको छ ।